منتدى الفرسان

موقع رائع يجمع كل شيء
 
الرئيسيةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 اضحك مع الحماصنة

اذهب الى الأسفل 
كاتب الموضوعرسالة
fadi
**نائب القائد الكبير **
**نائب القائد الكبير **
avatar

ذكر
عدد الرسائل : 21
العمر : 24
العمر : 13
البلد : سوريا
تاريخ التسجيل : 22/04/2007

مُساهمةموضوع: اضحك مع الحماصنة   الثلاثاء يونيو 19, 2007 2:35 pm

كان في واحد حمصي عايش بالشام ..راح سجل ابنو بالمدرسة .. اجا اول يوم الولد من المدرسة لعند ابوه والو بابا ..بابا..اليوم الاستاذ قلنا عدو للعشرة وانا عديتلو للعشرين ..قام قلو ابوه ..ليش بابا..قلو لاني ذكي بابا ..قلو لاء بابا لانك حمصي.. وباليوم التاني ..اجا لعند ابو وقلو بابا..بابا .اليوم الاستاذ عطانا الاحرف الابجدية وانا الوحيد بالصف كنت حافظهن...قلو ليش بابا ..قلو لاني ذكي بابا ..قلو لاء بابا لانك حمصي... وباليوم التالت اجا الولد لعند ابوه وقلو بابا ..بابا اليوم الاستاذ قاس طولنا وانا طلعت اطول واحد بالصف ...قلو ليش بابا قلو لاني ذكي بابا ...قام قلو لاء بابا لانو عمرك 30 سنة...
___________________________________

ليش الحمصي بيقيس حرارة الماء بإصبعين؟ لأنو رأيين أحسن من رأي واحد
____________________________________
قال في بناية كلها حماصنة وقع واحد من الطابق الأخير آم قال لحقوني آم لحقوا الكل
______________________________________
في واحد حمصي عم بيلعب بقنبله مر من جنبو جارو الو لعمئ مابتخاف لتنفجر ام الو وشو يعني عندي غيرا بالبيت
______________________________________
كان في واحد حمصي بجنينة الحيوانات بمصر بدو يلاعب النمر آم مد راسو بقلب القفص آمو صاروا يصرخوا العالم آم ألون شبكون خايفين شو رح آكلو!!!!!!!!!!!
___________________________________
ليش الحمصي بعبي نص الكاسة؟ منشان ما يغسلها كلها
____________________________________
مرة واحد راح على حمص وشاف العالم عم تركض ألن خير صاير شي ألولو لأ ماصاير شي ألن لكن ليش عم تركضوا ألولو وبركي صارشي
________________________________________
لماذا الحمصي ينام وبجانبه كاسة ماء مليئة وأخرى فارغة؟ لأنه ٌإذا عطش شرب من الكاسةالمليئة وإذا لم يعطش شرب من االكاسة الفارغة
__________________________________
في واحد حمصي سافر على أمريكا قام لقى box (صندوق الذي يباع منه كولا ورأى شخص يضع قطعة نقدية ويأخذ علبة كولا فوضع هو (الحمصي) قطعة نقود وأخذ علبة كولا ثم وضع قطعة أخرى وأخذ علبة أخرى وهكذا حتى أصبح لديه العديد من علب الكولا ثم نظر خلفه وإذا بطابور من الناس ينتظرون دورهم فضحك منهم وقال ماتحلموا يجيكون دور كل شي وأنا عم بربح
________________________________________
مرة ذهبت مذيعة من التلفزيون السوري على مهرجان حمص و عملت متل مسابقة و اختارت احد الموجودين
و سالته اول سؤال و هو :300+300 شو يساوي
صفن الحمصي شي ساعة و بعدين قلها :400 ..
قالتلو : غلط بعتذر منك خسرت
و هنا صرخ الجمهور : عطيه فرصة تانية ... عطيه فرصة تانية
و استجابت المذيعة لرغبة الجمهور و سالت المتسابق مرة تانية :30+30 شو يساوي
و صفن اخونا شي ساعتين و هو عم يحسب و بعدين قال : 50
قالتلو : غلط بعتذر منك خسرت مرة تانية
هون كمان صرخ الجمهور : عطيه فرصة تانية ... عطيه فرصة تانية ..
و استجابت للمرة الثانية و سالته : 3+3 شو يساوي
قام نط و قالها :6
و فجأة صرخ الجمهور : عطيه فرصة تانية ......عطيه فرصة تانية




مرة في حمصي تزوج حمصية وراحوا شهر العسل إلى حماة , ولما شافت النواعير ألتلو شو ما بدك تركبّني بها الشقليبة ..؟؟ قال لها شو أنتِ غبية ما نك شايفي أنهن عم يغسلوها !!!

- حمصي ما بيقدر ينام راح وراجع الدكتور فطلب منه الطبيب أن يعد لل500 منشان ينام , فراح الحمصي وقت النوم بلّش يعد ولما وصّل لل200 حس حاله ميت من النعس أجا راح غسل وجهه منشان يكمل العد لل 500 .

- مرة راح حمصي إلى فرنسا , شاف بعد يومين عرس سأل أحدهم لمين ها لعرس قال له : / je ne sais pas /
(( ما بعرف )) , فقال إيه الله يهنيه , وفي اليوم التالي شاف جنازة وسأل أحدهم لمين هذه الجنازة فكان الرد :
/ je ne sais pas / (( لا أعرف )) , يا خطيتك يا جو نسيبا امبارح أتجوزت واليوم متت الله يرحمك .

في حمصي أحول تزوج حمصية حولة جابوا أول ولد أحول وثاني وثالث ولد أحول والرابع جاء طبيعي آمو حطولوا
خرزة زرقاء بين عيونو صار يطلع فيها حتى انحول .




حمصي قتل حالو ليشششششششش......لأنه شاف تابوت على مقاسو.

- حمصي ما إجاه النوم ......أم بعتلو إيميل.

- كيف بتعرف إنك بمدينة حمص ؟؟؟؟؟
الجواب: توجد لافتـات مكتوب عليها انتبـــــه خلفـك.

- حمصي راح على افريقيـا بالليل ما شاف حدى آآآآم رجـع.

-حمصي إجت لعندو وحدة منجمة ألت : إزا بتعطيني ليرة راح ألك شو راح يصير معك. أأأل الحمصي لو كنت
كنت شاطرة كنت عرفتي إنه ما معي ولا ليرة.

- حمصي أحول راح يستقبل أبوه بالمطار ..آآآم باس الشنطة وحمل أبوه.

- حمصي أحول تاني مات أبوه آآآم دفن أمه.
- في جوره (بحمص) كلما مَر حدى بجنبها بيقع فيها وبينقلوه عالمشفى ..فكروا الحماصنة وعملوا اجتماع لحل هالمشكلة ...وقررواإنهن يبنوا مشفى بجانب الجوره لتسهيل عملية نقل المصابين الى المشفى.



في مرة واحد فرنسي وواحد اميركي وواحد حمصي عم يتشارطو إنو مين أول بلد اخترعو في التلفون
الفرنسي قال: نحنا حفرنا على عمق خمسين متر ولقيني اسلاك هاتف دليل أنو أجدادنا كانو يستعملو الهاتف عالقليلي من شي خمسين سني.
والأميركي قال: نحنا حفرنا على عمق مية متر ولقينا اسلاك هاتف دليل انو اجدادنا كانو يستعملو الهاتف من شي مية سني عالقليلي.
الحمصي مو انو يضل ساكت بدو يبيض وجه قام قال: نحنا حفرنا على عمق خمسين ومية ولك حتى ميتين وما لقينا شي وهاد دليل انو اجدادنا كانو يستعملو اللاسلكي.

س : ليش المعزاية الحمصية بتمعي و هي مغمضة عيونها ؟
ج : لأنها حافظتها بصم ( عن غيب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اضحك مع الحماصنة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الفرسان :: منتديات التسلية والألعاب :: الألغاز و النكت-
انتقل الى: